საფეხბურთო კლუბი „მეშახტე“ სისტემურად ახორციელებს ბავშვთა ფეხბურთის განვითარების მიმართულებით გეგმურ ღონისძიებებს, რომლებიც ითვალისწინებს როგორც სპორტული ინფრასტრუქტურის გაუმჯობესებას, ისე ასაკობრივი გუნდების სრულ მატერიალურ უზრუნველყოფას.

2025 წლის განმავლობაში, კლუბის სოციალური პასუხისმგებლობისა და განვითარების სტრატეგიის ფარგლებში, განხორციელდა საფეხბურთო ეკიპირების გადაცემის პროექტი, რომლის მიზანია თითოეული ასაკობრივი ჯგუფის თანაბარი მხარდაჭერა, მოტივაციის ამაღლება და სპორტისადმი ინტერესის გაძლიერება.

წლის განმავლობაში სხვადასხვა ღონისძიებების ფარგლებში მოხდა ბავშვთა გუნდების ნაწილის ეკიპირება, ამჟამად კი ახალი ეკიპირება გადაეცა U9 და U12 ასაკობრივი გუნდების ფეხბურთელებს.

ღონისძიება გაიმართა მეგობრულ და საზეიმო ატმოსფეროში, კლუბის ადმინისტრაციის, შშმ პირებთან მეკავშირე ოფიცრისა და მწვრთნელთა მონაწილეობით.

ღონისძიების მიზანია არა მხოლოდ ბავშვების სპორტული აღჭურვილობის განახლება, არამედ გუნდურობის, თანასწორობის, ჩართულობისა და პროფესიული დამოკიდებულების განმტკიცება-ფასეულობების, რომლებიც კლუბის საქმიანობის განუყოფელი ნაწილია.

აღნიშნული ნაბიჯები წარმოადგენს კლუბის სტრატეგიის ნაწილს, რომლის მიზანია „ფეხბურთი ყველასათვის“ პრინციპის რეალური განხორციელება და რეგიონის ბავშვთა სპორტული შესაძლებლობების ხელშეწყობა.